Шығармалар жинағы, 480 бет, қатты мұқаба, қазақ тілінде.
Қазақтың көрнекті ақыны, қоғам қайраткері Мұхтар Шахановтың бұл жинағына ақынның әр жылдарда жазылған өлеңдері мен дастандары, поэмалары енді. Ақынның шығармалары көп салалы, сан алуан тақырыпты қамтиды. Және оның шынайы шабытынан ширығып шыққан өлеңдері жалпақ жұрттың жүрегіне жол тауып жатады. Өлеңді қадыр тұтатын қауым Шаханов поэзиясын неге жақсы көреді? Өйткені өмір бар ол өлеңдерде. Ыстығы мен суығы, кермегі мен тәттісі қым-қуыт араласып, астасып жатқан кәдімгі дунияуи өмір. Ендеше, ақын поэзиясының ұтымдылығы ― ондағы шындық пен шеберліктің шынайы ұштасуында, үн мен ұғымның сұлу үйлесімінде.